Social Magazine culturale - recensioni, articoli, social media

Indovinelli:

Bonsiggnuri l’havi grossa,

l’Arciviscu cchiù di cchiui,

si la teni ‘n carni ed ossa,

e ‘un s’a po’ liveri cchiui.   (Palermo) – (l’anello)

Haju ‘na cosa can un mori mai,

ed è ‘mpastata di feli e dìaloi;

‘nganna li genti cu li modi soi.  (Palermo) – (Amore)

Haju n’armali ca mancia pastetta,

e notti e ghiornu a la muddura stà:

e quannu è vivu, virdi è la sò vesta,

ma quann’è mortu russa si la fa.

Cu’ mi lu ‘nzerta cci dugnu ‘na testa

di chistu armali ca testa nun ha.    (Palermo) – (Arancio)

Tippodu d’acqua, pignata di lignu,

la carni ca cc’è dintra va parrannu.  (Trapani) – (Barca)

La jettu di ‘na muntagna e nun si rumpi;

la jettu ‘ntra l’acqua e si rumpi.    (Palermo) – (Carta)

Sutta ‘u lettu di mè nunna,

cc’è na cosa tunna tunna;

la vaju pi tuccari

 emi fa santiari.  (Marsala) – (Cipolla)

Novelle:

C’era ‘na vota un Re, ch’avia ‘na figlia e l’avia a maritari, e la dava pi mugghieri a cu’ cci dicia un’nniminu tuttu di minzogni. Cci jevanu tanti; dicevano lu so ‘nniminu; ma siccome cc’era quarchi virità, lu Re cci faciva tagliari la testa.

All’urtimu cci jiu unu, e cci dissi un’nniminu. Lu Re tinni cunsigliu, e si vitti can un cc’era nudda virità, e daccussì cci appi a dari la rigginedda.

Lu ‘nniminu, tuttu di minzogni, fu chistu:

Apprima mè patri

addivava triccientu lapi-mastri.

Sira e matina iu li cuntavu;

‘na matina ‘un li cuntavu,

mi scappò ‘na lapa-mastra,

e si nni jiu ddabbanna mari.

Subbitu accravaccaju a un cavaddu zuppu,

e mi misi a navicari;

arrivatu ddabbanna mari,

attruvai la lapa-mastra

ch’ava fattu triccientu cantara di cira,

e triccientu cantavra di mieli.

Subbitu li ‘ncarciavu

‘na ‘na scorcia di nucidda,

e mi misi a navicari;

arrivatu a mienzu mari

vitti n’acidduzzu, e  cci sparavu:

nun cadiu né vivu né muortu.

Acchianavu ‘nta n’arvu di fanusa,

e mi misi a fari

ligna, gramagli e stieddi,

‘unn’avia cu chi l’addumari

Cu li pinni scappà fuocu.

‘Unn’avia cu chi l’astutari,

l’astutavu cu l’accietta;

l’accietta s’ardì

e lu manicu m’arristà.  (Vallelunga)

Un signore viaggiando giunge in una casupola, innanzi alla quale una donna sta a tendere il bucato ad una fune per farlo asciugare. Allora fermatosi col suo cavallo, le domanda:

• A tia chi longa stenni

Tutta chissa chi ti penni,

Chi hai di manciari?

E essa rispose:

-Manciari di culu,

viviri di pirtusu

e rascusu pi lu plus. (Palermo)

Vitti ‘na donna di tanti biddizzi,

ch’era assittata cu li so sullazzi

si tagghia li capiddi e longhi trizzi,

p’arrinuvari li so virdi lazzi;

e vi fa un fruttu di tanti ducizzi

ca si prisenta ‘nta carrabbi e tazzi;

e sunnu tanti li soi spirtizzi:

l’omini saggi fa nèsciri pazzi. (Palermo) – (Vite potata)

Un ladro o bandito, stanco della fatica del camminare, s’aaormentò sotto un pero carico di frutte grosse e mature. Spirava vento un po’ forte, ed una pera, spiccatasi dal ramo, cadde sul naso del bandito, il quale, destatosi improvvisamente, s’accorse di essere lì per cadere in mano alla giustizia e si diede alla fuga.

Dal fatto egli trasse l’indovinello:

Pinnìculu-pinnàculu pinnia,

mentrì durmìculu-durmàculu durmia;

si pinnìculu-pinnàculu ‘un cadia,

durmìculu-durmàculu muria.     (Palermo)

Tweet